La Brita Esperantisto

revuo de EAB

Serĉi LBE per Google:

  cx > ĉ

• Indekso
• Hazarda paĝo
• 2018
• 2017
• 2016
  • aŭtuno
    • Fronta kovrilo
    • Redaktore
    • Plurlingvula Renkontiĝo 2016
    • Esperanto en la Beatles-urbo
    • Vere regi Esperanton
    • Dankon, Heleno!
    • Klaso de majstroj
    • Vivcelebro de homo eksterordinara
    • Paul Gubbins: 1949–2016
    • Paul Gubbins
    • Paĉjo kaj mi
    • Ni kondolencas
    • Journey into Esperanto
    • Jam la cent-unua
    • Nitra arto
    • Jubilean gratulon!
    • Nova redaktoro?
    • La mirinda mondo de muzikinstrumentoj
    • Barlastono bonvenigas
    • Atestiloj post ekzameno
    • Kiu kiuis? (Harold Bolingbroke Mudie)
    • Memorige al Mudie
    • Fuĝo ne eblas (sed nefuĝo belas)
    • Bildbabile
    • La tomboŝtono de la pinta pioniro
  • printempo
• 2015
• 2014
• 2013
• 2012
• 2011
• 2010
• 2009
• 2008
• 2007
• 2006
• 2005
• 2004
• 2003
• 2002
• 2001
• 2000
• 1999
• 1998
• 1997

Memorige al Mudie

La 6-a de januaro 2016 estis la centjara datreveno de la morto de Harold Bolingbroke Mudie. Okazis ceremonio en Forges-les-Eaux, Francio, honore al la homo, kiu, kiam li forpasis, estis samtempe la prezidanto de la Brita kaj Universala Esperanto-Asocioj.

Antaŭ ol komenciĝis la ceremonio Tim Owen (reprezentante EAB) kaj Osmo Buller (UEA) staris apud la tombejo por private doni siajn respektojn.

Ĉirkaŭ la pordo amasiĝis la flagoj, inkluzive de la brita kaj Esperanta.

Kolonelo Michel Burin bonvenigis ĉiujn. Li invitis al Tim Owen meti florkronon nome de EAB. La urbestro kaj reprezentanto de la regionaj Esperantistoj faris same. Pompis la tombejo poste.

Klarionisto aŭdigis Last Post, tradician melodion ĉe memorig­servoj de britaj soldatoj. Ankaŭ ludiĝis la himnoj brita (Dio protektu la reĝinon!), Esperanta (La Espero), kaj franca (La Marseillaise). Poste salutis Mudie la flag-portistoj.

Post la ĉefa ceremonio la ĉeestantaro kuniĝis en apuda konstruaĵo, en kiu Kolonelo Burin kaj Tim Owen rapide parolis pri Mudie.

Loka esperantisto Pierre Lemarchand prezentis Esperanton kaj ĝian historion.

Finiĝis la ceremonio per babilado kaj glaso da vino. La tri homoj respondecaj pri la starigo de la ceremonio pasigis kelkajn minutojn kune. Maldekstre staras Tim Owen, kiu tutunue kontaktis la viron ĉe la dekstra flanko, Jérôme Moreau, por informiĝi, ĉu eblus fari ion memore al Mudie, post kiam li sciiĝis, ke Jérôme havas rilaton kun la enterigejo. (Jérôme estras Héros de Forges-les-Eaux, retejon dediĉitan al la soldatoj, kiuj tie enteriĝis.) Jérôme kontaktis Kolonelon Michel Burin, kiu staras meze, kaj kiu ĉion aranĝis.