La Brita Esperantisto

revuo de EAB

• Indekso
• Hazarda paĝo
• 2018
• 2017
• 2016
• 2015
• 2014
• 2013
• 2012
• 2011
• 2010
• 2009
• 2008
• 2007
• 2006
• 2005
  • aŭtuno
  • printempo
    • Fronta kovrilo
    • Redaktore
    • Feliĉan datrevenon!
    • Perpoŝte
    • Diluve pluve en Barlaŝtormo
    • Limerikoj, hajkoj kaj memportreto
    • Aĉetu… kaj aliĝu
    • Mia vizito al Londono
    • Peter Miles
    • Nova lingva ordo ankoraŭ ne aplikata
    • Kiu kiuas… en la brita Esperanto-movado?
    • Germana renkontiĝo: kial tiel sukcesa?
    • Kurse oni povis
    • Kiel trajnoj implikas film-industrion
    • Gasti en infero
    • Eŭropo de skotlandoj kaj slovenujoj
    • Legaĵo por nigraj noktoj
    • Kial la ĉielo bluas? kaj similaj demandoj
    • Babile
    • Partoprenantoj de la somerlernejo
• 2004
• 2003
• 2002
• 2001
• 2000
• 1999
• 1998
• 1997

Kurse oni povis

Partoprenis en Barlastono la aŭtunan semajnfinan seminarion Course You Can 11 studantoj, inkluzive de kvar barlastonaj 'unuafojuloj'. Course You Can celas principe komencantojn kaj komencintojn, ekzemple tiujn, kiuj kompletigas aŭ kompletigis la bazan perpoŝtan kurson, aŭ tiujn, kiuj volas plifortigi siajn sciojn pri bazaj elementoj de la lingvo.

Ĉi-jare la komencanta grupo konsistis el tri homoj, la komencinta el ok. Pro tio necesis dividi la kursanojn: komencantoj laboris en la oficejo de EAB kaj okupiĝis pri la unuaj tri ĉapitroj de la lernolibro Kunvojaĝu!; la pli granda komencinto-grupo spektis en Biblioteko Butler lecionojn el la vidbendserio Pasporto al la tuta mondo. Unu el la sesioj dediĉis sin al esplorado de Esperanto-poezio (al relative simplaj triversaĵoj el laste aperinta poemaro de la hispana poeto Jorge Camacho); alia al prezentado de skeĉoj verkitaj de la novzelandano Bertram Potts.

En la plejlasta sesio, post kiam kelkaj Course-kursanoj jam forveturis (ekzemple al fora Inverness), oni pritraktis bildstrion, kiu kondukis neatendite al la esperanta himno, tiam disaŭdigata danke al kompaktdisko el la EAB-vendejo. Diri, ke oni kunkantis, estus iom tro… sed kungrakis, entuziasme, jes. Nekredeble, kien oni foje iras en esperanta klasĉambro!